არ დავუშვებთ, კანონიერი ქურდი ქურდად მომჯდარმა ხელისუფალმა ჩაანაცვლოს, - განაცხადა თბილისში, თავისუფლების მოედანზე კოალიცია "ქართული ოცნების" შემაჯამებელ აქციაზე სიტვით გამოსვლისას კოალიციის ლიდერმა ბიძინა ივანიშვილმა.
მისი თქმით, სააკაშვილი ცდილობს, საქართველოს მოსახლეობა დაარწმუნოს, რომ კოალიციის ხელისუფლებაში მოსვლის შემდეგ საქართველოში კვლავ კრინიმალებისა და ქურდების დრო დაბრუნდება.
"დარწმუნებული ვარ, ამ სისულელეების არავის სჯერა და არც თავად ხელისუფლებას. წესრიგი სამართალს და სამართლიანობას მოაქვს. საქართველოში ხალხმა გამოსცადა, რას ნიშნავს კანონიერი ქურდების მიერ დამყარებული წესრიგი და ამას არ დაუშვებს. ეს დრო არასოდეს დაბრუნდება", - განაცხადა ივანიშვილმა.