საჯარო მოსამსახურეებს მივმართავთ, დადექით სიმართლის მხარეს. ყური დაუგდეთ თქვენს სინდისს, - მიმართა კოალიცია "ქართული ოცნების" ლიდერმა ბიძინა ივანიშვილმა თბილისში, თავისუფლების მოედანზე შემაჯამებელ აქციაზე სიტვით გამოსვლისას. მან მოუწოდა საჯარო მოხელეებს გაემიჯნონ ძალადობასა და უკანონობას.
"თქვენ გეუბნებოდნენ, რომ თუ "ქართული ოცნება' მოვიდა ხელისუფლებაში მაშინ გაგყრიდნენ სამსახურიდან და ანგარიშს გაგისწორებენ. მე პირდაპირ ვიტყვი, ჩვენ ამას არ დავუშვებთ. პირიქით, შეწყდება პოლიტიკური ანგარიშსწორება. არ დაიწყება წინა ხელისუფლების მომხრეთა და საჯარო სტრუქტურებსი ნამსახურევი ადამიანების დევნა. საჯარო სამსახური პოლიტიკური წნეხისგან გათავისუფლდება. მათ მხოლოდ პროფესიონალიზმი და საქმისადმი ერთგულება მოეთხოვებათ", - განაცხადა ივანიშვილმა.