"ლიბერთი ბანკის" ხანძრის შემდეგ პირვველი კომენტარი კეთდება თავად "ლიბერთი ბანკის" ადმინისტრაციის მხრიდან. როგორც ტელეკომპანია "რუსთავი 2"-თან საუბრისას ბანკის ხელმძღვანელმა ლადო გურგენიძემ განაცხადა, ხანძარი უკვე ლიკვიდირებულია და მსხვერპლი არ არის.
"მსხვერპლი არ არის, ჩვენ პირველი წუთები ამ ინფორმაციის დადგენასა და ევაკუაციის პროცეს მოვანდომეთ. როგორც მეხანძრეებმა გვითხრეს 20 წუთის წინ მოხდა ხანძრის ჩაქრობა, რაც მნიშვნელოვანია და მინდა მადლობა ვუთხრა მეხანძრეთა მთელს კოლექტივს ამ ოპერატიულობისათვის. უკვე გადავდივართ ნორმალიზაციის ეტაპზე და გავეცი დავალება იმისათვის, რომ ჩვენმა ქსელმა ხვალ მინიმალური შეფერხებით იმუშაოს. მინიმალური ხარვეზები იქნება, მაგალითად ჩვენს სასერვეროს ამ დროისათვის ელეტროენერგია არ მიეწოდება, რაც გასაგებია. სებ-ის დახმარებით, თუ კი ეს საჭირო გახდება მათი დახმარებით ჩავრთავთ ჩვენს ცენტრებს. მადლობა მინდა გადავუხადო ჩვენს კოლეგებს, რომლებიც უკვე გამოვიდნენ ხაზზე"- განაცხადა ლადო გურგენიძემ.
როგორც გურგენიძე განმარტავს, "ლიბერთი ბანკის" შენობა დაზღვეულია და რა ზარალის შესახებ ამ დროისათვის ინფორმაცია არ არსებობს.