მისი თქმით, ეკლესიის რეაქცია იყო ფარისევლური, რადგან თუკი ვინმემ იცოდა ციხეებში რა ხდება - ეს პირველ რიგში იყო საქართველოს მართლმადიდებლური ეკლესია, საპატრიარქო, რომელსაც ყველგან, ყველ უჯრედში ჰყავს თავისი მღვდელი.

"ახლა ისეთი ეგზეკეტიკები გაუშვეს, თითქოს პატრიარქის ქადაგება იყო საღვთო წერილი და განმარტებები გააკეთეს ვერ გაიგეთო? რა ვერ გავიგეთ! - ძალიან ერთმნიშვნელოვნად იყო ნათქვამი, რომ ეს ყველგან ხდება და ამაზე საჯაროდ არ ლაპარაკობენო. ეს რა არის? მეთერთმეტე მცნება შემოგვაქვს - არ გააბაზრო? და სამწუხაროდ, ეს ყველას გამოგვრჩა მხედველობიდან - ეკლესია გეგმაზომიერად ეწევა ბოლო წლებში წახალისებას ყველანაირი ძალადობისა და ექსტრემიზმის გამოვლინების. ისევე, როგორც დაჯილდოება ექსტრემისტული ორგანიზაციების ხელმძღვანელის, მართლმადიდებრულ მშობელთა კავშირის ისაკაძის, ისევე როგორც ახალაიების, როლანდ ახალაიას დაჯილდოება. ანუ, ყველა ის ადამიანი ვინც საზოგადოების თვალში იყო მოძალადე ან ძალადობასთან რაღაცა კავშირში, საპატრიარქო მას ხელს უწყობდა და უშუალოდ პატრიარქი ხელს უწყობდა ანუ - ახალისებდა.

მისივე თქმით, პატრიარქის ქადაგებაში იყო ნათქვამი, რომ სტუდენტებმა, როგორ გაბედეს, შეიჭრნენ უნივერსიტეტში და გააპროტესტეს.

"ეს რატომღაც დაგვავიწყდა. იქიგე ქადაგებაში იყო ნათქვამი - ანუ სტუდენტი უნდა იყოს მორჩილი, ემორჩილებოდეს თავის თვითთმმართველობას, რექტორს და არ გაბედოს პროტესტის გამოთქმა? ანუ უნდა იყო მორჩილი, შენ ხმა არ უნდა ამოიღო და უნდა მისცე იმის საშუალება, რომ უკანალში გაგთხარონ ცოცხები და ა.შ.", - განაცხადა მაისურაძემ და აღნიშნა, რომ რა ტოტალური სისტემა არის შექმნილი ამის დემონტაჟი ბევრად უფრო ძნელი იქნება და ამას თაობები დასჭირდება, რომ ამ მოძალადეობრივი სადისტური ცნობიერებისგან ამ ტოტალიტარული ცნობიერებისგან გავთავისუფლდეთ.
"დღესვე უნდა დაიწყოს ამის განხილვა და საჯარო დისკუსიები - არავინ არ არსებობს საქართველოში დღეს ისეთი რომლის კრიტიკა არ შეუძლებოდეს. პირიქით საჭიროა ნებისმიერი პიროვნების იქნება ეს პატრიარქი თუ პრეზიდენტი გაკრიტიკდეს ღრმად საფუძვლიანად და დაუნდობლად", - განაცხადა მაისურაძემ.