სტუდენტური თვითმმართველობა არის ყველაზე დიდი სიმახინჯე საქართველოს დღევანდელ რეალობაში, - ამის შესახებ ფილოსოფოსმა, ბლოგერმა გიორგი მაისურაძემ ეკა კვესიტაძის გადაცემა "აქცენტებში" განაცხადა.
მისი თქმით, ეს არის ყველაზე დიდი სიმახინჯე საქართველოს დღევანდელ რეალობაში, როდესაც სახელმწიფომ შექმნა რაღაცა უჯრედი, ბევრად უფრო საშინელი ვიდრე კომკავშირი, იმიტომ რომ კომკავშირლები არ გვესხმოდნენ თავს.
"რა ძველბიჭურ მენტალიტეტსა და ქურდულ მენტალიტეტზე გვაქვს საუბარი, როდესაც სახელმწიფო აფინანსებს, ქმნის ახალგაზრდობის სამინისტროს, ხელს უწყობს და ზრდის სადისტ კადრებს, რომლებსაც მერე აწინაურებენ და მიჰყავთ თანამდებობებზე და მათი ძირითადი მოვალეობა არის ყველა განსხვავებულად მოაზროვნე სტუდენტის ფიზიკური ანგარიშსწორება. ეს სიმახინჯე და ნამდვილი კრიმინალია. სახელმწიფო ხელს უწყობს ადამიანების კრიმინალიზაციას", - განაცხადა მაისურაძემ.
