ავიაციის ლეიტენანტმა დავით ნემსაძემ პოლკოვნიკ სერგო თეთრაძის საქმის ობიექტურ გამოძიებამდე სამხედრო წოდებაზე უარი თქვა. ამის შესახებ დავით ნემსაძემ "ფეისბუკში" საკუთარ გვერდზე დაწერა.
ნემსაძე მოუწოდებს ყველა ოფიცერსა და ჯარისკაცს, თეთრაძის ოჯახს სოლიდარობა გამოუცხადონ.
"მე, ავიაციის ლეიტენანტი რეზერვში, დავით ელგუჯას ძე ნემსაძე შეგნებულად უარს ვამბობ ჩემს სამხედრო წოდებაზე მანამ, სანამ არ მოხდება ჭეშმარიტი გამოძიება სამხედრო ავიაციის დაზვერვის პოლკოვნიკის, სერგო თეთრაძის საქმეზე და, შესაბამისად, არ დაისჯებიან ამ ადამიანის ღირსების შეურაცხყოფასა და მკვლელობაში მონაწილე პირები. მოვუწოდებ ყველა ჯარისკაცსა და ოფიცერს, ყველა ღირსების მქონე ადამიანს, სოლიდარობა გამოუცხადონ სერგო თეთრაძის ოჯახს", - აღნიშნულია ნემსაძის განცხადებაში.
შეგახსენებთ, ვლადიმერ ბედუკაძემ "ობიექტივს" განუცხადა, რომ დაზვერვის პოლკოვნიკის, სერგო თეთრაძის მკვლელობის დამკვეთები ახალაია და მეგის ქარდავა არიან.
