საპროტესტო აქციები, რომელზეც პატიმართა პატივის შელახვისა და წამების წინააღმდეგ გავრცელებულ ფაქტებს აპროტესტებენ დღესაც გრძელდება.
სტუდენტები, უფლებათდამცველები და საზოგადოების წარმომადგენლები ფილარმონიასთან 17:00 საათზე შეიკრიბებიან.
აქციის მონაწილეები საქართველოს ციხეებში პატიმართა წამების ფაქტებს აპროტესტებენ და პატიმრებსა და მათ ოჯახებს სოლიდარობას უცხადებენ.
აქციის მონაწილეების ერთ-ერთი მთავარი მოთხოვნა შინაგან საქმეთა ყოფილი მინისტრის, ბაჩო ახალაიას სისხლის სამართლის პასუხისგებაში მიცემა და ობიექტური გამოძიების ჩატარებაა.
აქციები სტუდენტებისა და უფლებათადამცველების მონაწილეობით 18 სექტემბრიდან ყოველდღიურად იმართება.