საქართველოს საფეხბურთო ეროვნულლი ნაკრების წამყვანი ფეხბურთელი ზურაბ ხიზანიშვილი მიიჩნევს, რომ თუ საქართველოს პრეზიდენტი არ გადადგება ქვეყანაში არავითარი ცვლილება არ იქნება. ამის შესახებ ხიზანიშვილმა გადაცემა "პოლიტმეტრში" განაცხადა.
მისი თმისთ, თუ პირველი პირი არ წავიდა, ცვლილება არ იქნება. ხიზანიშვილმა აღნიშნა, რომ კალმახელიძის, ახალაიას ან თუნდაც მერაბიშვილის გადადგომა საკმარისი არ არის.
"პირველ რიგში უნდა გადადგეს პრეზიდენტი. წინააღმდეგ შემთხვევაში ყველაფერი ისევ უცვლელად დარჩება", - განაცხადა ხიზანიშვილმა და დასძინა, - "ამაზე თვალის დახუჭვა წარმოუდგენელია, თუ არ ხარ ისეთივე ადამიანი, ვინც ამას აკეთებდა. ასეთი ალბათ სულ ხუთი ადამიანი იქნება საქართველოში. ნაკრებში ყველა ერთ აზრზე ვართ, მე ამას მთელი ფეხბურთელების სახელით ვამბობ".
ხიზანიშვილმა ხაზგასმით განმარტა, რომ ის არასოდეს ჩარეულა პოლიტიკაში მაგრამ "წამებაზე უარესი არ შეიძლება რამე მოხდეს" და მას როგორც მოქალაქეს აქვს საკუთარი პოზიციის დაფიქსირების უფლება.