,,გიორგი ტუღუშის სასჯელაღსრულების მინისტრად დანიშვნა ხელისუფლებას ვერ გადაარჩენს", - განაცხადა ,,ჯი-ეიჩ-ენთან" საუბარში ,,ქდმ"-ს ერთ-ერთმა ლიდერმა ლევან ვეფხვაძემ ყოფილი სახალხო დამცველის გიორგი ტუღუშის სასჯელაღსრულების მინისტრად წარდგენის შესახებ.
"ეს დაახლოებით ის პოზიციაა, როცა ურემი გადაბრუნდება და გზა მერე გამოჩნდება. ვფიქრობ, ხელისუფლებას გიორგი ტუღუშის რეკომენდაციები ციხეებში შექმნილ სიტუაციასთან დაკავშირებით თავის დროზე უნდა გაეთვალისწინებინა. გიორგი ტუღუშის სასჯელაღსრულების მინისტრად დანიშვნა ხელისუფლებას ვერ გადაარჩენს, რადგან პირველ ოქტომბერს ხელისუფლება დამარცხებისთვისაა განწირული და ახალი ხელისუფლება სასჯელაღსრულების მინისტრს თვითონ აირჩევს" , _ განაცხადა ლევან ვეფხვაძემ.
შეგახსენებთ, რომ მიხეილ სააკაშვილმა სასჯელაღსრულების მინისტრის პოსტზე ყოფილი სახალხო დამცველი გიორგი ტუღუში წარადგინა.