კიევისა და სრულიად უკრაინის მართმადიდებლური ეკლესიის ხელმძღვანელმა ფილარეტმა თავისი და უკრაინელი მორწმუნეების სახელით უკრაინის პრეზიდენტს ვიქტორ იანუკოვიჩს იულია ტიმოშენკოსა და იური ლუცენკოს შეწყალება სთხოვა. პატრიარქის განცხადებით ეს გადაწყვეტილება შიდა რყევებისა და ერის გახლეჩვის თავიდან აცილებას შეუწყობს ხელს. ინფორმაციას ამის შესახებ უკრაინული მედია ავრცელებს.
განცხადება ამის შესახებ პატრიარქმა დეს გამართულ პრესკონფერენციაზე კითხვაზე პასუხის გაცემისას გააკეთა, რომლის მიხედვითაც ჟურნალისტები დაინტერესდნენ ესაუბრა თუ არა პატრიარქი პრეზიდენტს ტიმოშენკოსა და ლუცენკოს შესახებ.
"პრეზიდენტს იანუკოვიჩს პატიმრების ტიმოშენკოსა და ლუცენკოს შესახებ ვესაუბრე. ჩვენ არ ვერევით სასამართლოს საქმეებში, თუმცა მე ვთხოვე პრეზიდენტს მათი შეწყალება იმისათვის რათა დამშვიდდეს ხალხი და არ იყოს შიდა რყევები და ერის გახლეჩვა", _ ბრძანა უკრაინის პატრიარქმა.
მისივე თქმით, მას ამ შეხვედრისას ჰქონდა საშუალება შეეხსენებინა "პრეზიდენტისა და მისი გარემოცვისათვის, რომ ისინიც ქრისტიანები არიან და მათაც ერთ დღეს უფლის სამსჯავრო ელით".
ამავე დროს პატრიარქმა აღნიშნა ისიც, რომ იანუკოვიჩი არის პრეზიდენტი, რომელსაც არ სურს იყოს "რუსეთის გუბერნატორი უკრაინაში არამედ სურს იყოს უკრაინის პრეზიდენტი" და დასძინა ისიც, რომ უკრაინის მართლმადიდებლური ეკლესია პრეზიდენტის წამოწყებებს მხარს დაუჭერს".
ამასთან ერთდა, უკრაინის პატრიარქმა ასევე სთხოვა იანუკოვიჩს ერთსქესიანი ქორწინებები უკრაინის ტერიტორიაზე ნებადართული არ გაეხადა. "ეს ძალიან დიდი სირცხვილია ქრისტიანული ცივილიზაციისათვის. ევროპაში მიღევულია კანონები ერთსქესიანი ქორწინების ნებადართულობის შესახებ. ავიწყდებათ ქრისტიანებს იმის შესახებ თუ რა სასჯელი მოუვლინა უფალმა სოდომსა და გომორს ამ ცოდვისათვის", - ბრძანებს პატრიარქი.