.,,საქართველოს მოქალაქეები, რომელთაც ბევრი რამ გააკეთეს თავისუფალ და სამართლიან არჩევნებს იმსახურებენ", _ განაცხადა ამერიკელმა სენატორმა აშშ-ის სელჩოში გამართული პრესკონფერენციისას.
მაკკეინმა აღნიშნა, რომ საქართველომ ბოლო წლებში სერიოზულ პროგრესს მიაღწია.
,,საქართველოში არაერთხელ ვარ ნამყოფი, თუმცა დღეს ქვეყანაში იმის გამო ვიმყოფებით, რომ ის არჩევნებისთვის ემზადება. უკვე შევხვდით ,,ქართული ოცნების", ,,ერთიანი ნაციონალური მოძრაობისა" და ,,ქდმ" წარმომადგენლებს ამის შემდეგ კი შეხვედრა პრეზიდენტ საკაშვილთან გვექნება. საქართველომ დიდი გზა განვლო მას შემდეგ, რაც კორუფცია, მართვის არასწორი სისიტემა იყო გაბატონებული. მახსოვს ის პერიოდი, როდესაც საქართველოში ყოფნის დროს, ყაჩაღობის გარეშე გავლა შეუძლებელი იყო. ჩვენ ვამაყობთ საქართველოში მიღწეული პროგრესით და იმ მჭიდრო ურთიერთობებით, რომელიც ორ ქვეყანას შორის არსებობს. ვაფასებთ იმ თავგანწირვას, რომლითაც საქართველოში ქართველი სამხედროები იბრძვიან", - განაცხადა მაკკეინმა და აღნიშნა, რომ საქართველოში დაგეგმილ არჩევნებს ყურადღებით დააკვირდებიან.
,,ჩვენი მოწოდებაა საქართველოში თავისუფალი და სამართლიანი არჩევნები ჩატარდეს. ჩვენ, ამ პროცესს ყურადღებით დავაკვირდებით. დავეყრდნობით იმ ინფორმაციას, რომელსაც საერთაშორისო არსამთავრობო ორგანიზაციები ავრცელებენ არა მხოლოდ არჩევნების, არამედ მისი მომზადების პერიოდშიც. NDI-ის IRI-ის, ეუთოს წარმომადგენლები უკვე საქართველოში იმყოფებიან. მათ შეფასებას ჩვენს შეხედულებაზე, რა თქმა უნდა, დიდი გავლენა ექნება. საქართველოს მოქალაქეები, რომელთაც ბევრი რამ გააკეთეს თავისუფალ და სამართლიან არჩევნებს იმსახურებენ", _ განაცხადა სენატორმა.
