დაგეგმილი საპარლამენტო და საპრეზიდენტო არჩევნები საქართველოს დემოკრატიის ტესტი იქნება, _ განაცხადა ჟურნალისტებთან ნატოს გენერალურმა მდივანმა ანდრეს ფოგ რასმუსენმა და აღნიშნა, რომ ნატო საქართველოში მიმდინარე პროცესებს ყურადღებით აკვირდება.
,,ჩვენ ასევე ვუყურებთ საქართველოს და თვალს ვადევნებთ, თუ როგორ გრძელდება დემოკრატიული რეფორმები. შესაბამისად, ოქტომბერში საპარლამენტო არჩევნების მოწყობა და 2013 წლის საპრეზიდენტო არჩევნები საქართველოს დემოკრატიისთვის ბრწყინვალე ტესტი იქნება და მინდა ვთქვა, იმედი მაქვს, რომ ყველა პოლიტიკური მოთამაშე პასუხისმგებლობით შეასრულებს თავის როლს ამ პროცესში. მომავალი თქვენს ხელშია, მაგრამ თქვენ უნდა იცოდეთ, რომ ნატოს სახელით მეგობარი გყავთ და იმედი, რომელიც ნატოს მტკიცედ უკავშირდება", _ განაცხადა რასმუსენმა.