"ქართული ოცნება" ცენტრალურ საარჩევნო კომისიის განკარგულებას, რომლის მიხედვით, "ბიძინა ივანიშვილი - ქართულ ოცნებას" საარჩევნო ნომრად 41 მიენიჭა, 48 საათის განმავლობაში სასამართლოში გაასაჩივრებს.
როგორც "ქართული ოცნების" წარმომადგენელმა ზაქარია ქუცნაშვილმა განაცხადა, მათთვის საარჩევნო ნომრის შეცვლა დიდ ფინანსურ ზარალთან არის დაკავშირებული, რადგან წინასაარჩევნოდ უკვე დამზადებულ მაისურებზე დატანილია 7-იანი, ასევე, ბუკლეტებშიც "ქართული ოცნების" საარჩევნო ნომრად მითითებულია 7.
მათივე განცხადებით, კოალიცია ახალ საარჩევნო ატრიბუტიკას ვეღარ დაამზადებს, რადგან მათი საბანკო ანგარიშები დაყადაღებულია.
შეგახსენებთ, რომ ცენტრალური საარჩევნო კომისიის განკარგულებით, საარჩევნო ბლოკს "ბიძინა ივანიშვილი - ქართულ ოცნებას" საარჩევნო ნომრად 41 მიენიჭა. საარჩევნო ბლოკებისთვის ნომრების მინიჭების ბოლო ვადად 25 აგვისტო იყო გამოცხადებული, თუმცა, აზარაშვილის განცხადებით, რადგან ერთი ბლოკი იყო ნომრის გარეშე დარჩენილი, ნომრის მინიჭების საკითხი ცესკო-ს დღევანდელ სხდომაზე გადაწყდა.
