"ქართული ოცნების" მხარდამჭერებმა ცენტრალურ საარჩევნო კომისიასთან აქცია გამართეს.
აქციის მონაწილეები ცესკოს იმ განკარგულებას აპროტესტებდნენ , რომლის საფუძველზეც ბლოკ "ბიძინა ივანიშვილი - ქართულ ოცნებას" საარჩევნო ნომრად 41 მიენიჭა.
აქციაზე "ქართული ოცნების" ლიდერებიც იმყოფებოდნენ. მათი შეფასებით, ცენტრალურმა საარჩევნო კომისიამ ბლოკის საარჩევნო ნომერი 7, ხელისუფლების დაკვეთით შეცვალა და ხელისუფლებას "ეს პოლიტიკური გადაწყვეტილება ძვირად დაუჯდება".
შეგახსენებთ, რომ ცენტრალური საარჩევნო კომისიის განკარგულებით, საარჩევნო ბლოკს "ბიძინა ივანიშვილი - ქართულ ოცნებას" საარჩევნო ნომრად 41 მიენიჭა. საარჩევნო ბლოკებისთვის ნომრების მინიჭების ბოლო ვადად 25 აგვისტო იყო გამოცხადებული, თუმცა, აზარაშვილის განცხადებით, რადგან ერთი ბლოკი იყო ნომრის გარეშე დარჩენილი, ნომრის მინიჭების საკითხი ცესკო-ს დღევანდელ სხდომაზე გადაწყდა.
