1-ელ ოქტომბერს გასამართ საპარლამენტო არჩევნებს ეუთოს 400 დამკვირვებელი დააკვირდება. ამის შესახებ საქართველოში ვიზიტად მყოფი ეუთის საპარლამენტო ასამბლეის დელეგაციასთან შეხვედრის შემდეგ "სამართლიანი არჩევნების" ხელმძღვანელმა ნინო ლომჯარიამ განაცხადა.
მისივე თქმით, დელეგაციის წევრებმა გამოთქვეს სურვილი, რომ არჩევნებზე საერთაშორისო და ადგილობრივი ორგანიზაციების დამკვირვებლებმა კოორდინირებულად იმოქმედონ.
"ეუთოს საპარლამენტო ასამბლეის დელეგაციის მხრიდან გამოითქვა სურვილი, რომ ჩვენმა და მათმა დამკვირვებლებმა არჩევნებზე კოორდინირებულად იმოქმედონ", - აღნიშნა ნინო ლომჯარიამ.
ნინო ლომჯარიამ აღნიშნა, რომ დელეგაციის წევრებს მიეწოდა ინფორმაცია საარჩევნო კოდექსის ხარვეზებზე, მედიის პრობლემებზე და სახელმწიფო აუდიტის სამსახურის საქმიანობასთან დაკავშირებით.
