ხვალ, 17 აგვისტოს, 14:00 საათზე, საქართველოს მცირე და საშუალო საწარმოთა ასოციაცია მარნეულში, საგადასახადო დავების გადაჭრის ალტერნატიულ გზებსა და გადასახადებისგან თავის არიდებისას სისხლის სამართლებრივ პასუხისმგებლობაზე მრგვალ მაგიდას გამართავს. მრგვალი მაგიდა პროექტის - "ბიზნესისათვის მეგობრული ჩარჩო კანონმდებლობის მხარდაჭერა საქართველოში" - ფარგლებში გაიმართება.
შეხვედრაში მონაწილეობას მიიღებენ ბიზნესის, არასამთავრობო სექტორის და ადგილობრივი ხელისუფლების წარმომადგენლები.
კვლევები ეხება საგადასახადო დავების გადაჭრის ალტერნატიულ გზებს და გადასახადებისგან თავის არიდებისას სისხლის სამართლებრივ პასუხისმგებლობას. პროექტი დაფინანსებულია ევრაზიის თანამშრომლობის ფონდის მიერ "სამოქალაქო ინიციატივა დამოუკიდებელი მართლმსაჯულებისთვის" პროექტის ფარგლებში, ამერიკელი ხალხის და შეერთებული შტატების საერთაშორისო განვითარების სააგენტოსა (USAID) და აღმოსავლეთ-დასავლეთის მართვის ინსტიტუტის (EWMI) მხარდაჭერით.
