აბრაამ შმულევიჩი, საქართველოს პრეზიდენტს სირიაში მცხოვრები მოჰაჯირების შთამომავლებისათვის დახმარების ხელის გაწვდენას სთხოვს.

"სირიაში გასული წლის გაზაფხულიდან გრძელდება კონფლიქტი, რომლის მსხვერპლიც გაეროს მონაცემებით უკვე 16 000 ადამიანი გახდა. მსხვერპლი ყოველდღიაურად იმატებს, მხოლოდ გასულ კვირას სირიაში 800 ადამიანი დაიღუპა. განსაკუთრებით მძიმე მდგომარეობაში არიან ჩრდილოკავკასიელების შთამომავლები, რომლებიც რუსეთმა კავკასიის ომის დროს გამოყარა", _ წერს საერთაშორისო ჰიპერსიუნისტური მოძრაობის თავმჯდომარე, აღმოსავლეთ პარტნიორობის ინსტიტუტის პრეზიდენტი, "ჩერქეზების კონგრესისა" და "ჩერქეზების კავშირის" მრჩეველი რაბინი აბრაამ შმულევიჩი "ლაივჟურნალში".

მისი თქმით, მათი აბსოლუტური უმრავლესობა ჩერქეზები არიან , დანარჩენები კი სხვა ჩრდილოკავკასიელი ხალხების წარმომადგენლები - აფხაზები, ოსები, დაღესტნელები, ვაინახები. მისივე ეს ადამიანები სირიაში მიმდინარე სამოქალაქო ომში ნეიტრალურ პოზიციაზე დგანენ, რაც მათ მდგომარეობას კიდევ უფრო ამძიმებს. ისინი ძალადობას განიცდიან ორივე მხრიდან - მათი დამხმარე არავინაა.

"ბოლო წლის განმავლობაში ამ ხალხების წარმომადგენლებმა, უპირველეს ყოვლისა კი ჩერქეზებმა უთვალავჯერ მიმართეს დახმარებოდნენ მათ რეპატრიაციაში ისტორიულ სამშობლოში და მიეღოთ ზომები თანამემაულეთა გადასარჩენად... მაგრამ ამაოდ, კრემლი ბუნდოვანი დაპირებებით შემოიფაგლა და არაფერი არ გააკეთა.
დღეისათვის აბსოლუტურად ცხადია, რომ მოსკოვმა ჩრდილოკავკასიელთა შთამომავლები ბედის ანაბარა მიატოვა. უდანაშაულო მსხვერპლის რიცხვი კი იზრდება.

მივმართავ საქართველოს მთავრობას და პირადად თქვენ, ბატონო პრეზიდენტო, როგორც ხელმძღვანელს რომელსაც კავკასიის ამ ქვეყნის მსოფლიოს თვალში ავტორიტეტის მქონე მმართველს თხოვნით, გაუწოდოთ დახმარების ხელი სირიაში კავკასიის შთამომავლებს, რომლებსაც ყოველდღიურად ხოცავენ. გამოიჩინეთ ადამიანური თანაგრძნობა და სახელმწიფოებრივი სიბრძნე.

თქვენ არაერთგზის განგიცხადებიათ, რომ საქართველო ჩრდილოკავკასიის ხალხებს როგორც ძმებს ისე უცქერს. ხოლო მას შემდეგ რაც საქართველოს პარლამენტმა მიიღო აქტი ჩერქეზების გენოციდის აღიარების შესახებ გაჩნდა იმედი, რომ კავკასიაში მოვა ხალხთა შორის ურთიერთობის ახალი სტანდარტები, რომლებივ ურთიერთდახმარებასა და ჰუმანიზმს ემყარება და არა "დაყავი და იბატონეს", _ წერს რაბინი და სხვამს კითხვას: "განა შეძლებს თავისუფალი საქართველო იგნორირება მოახდინოს კავკასიის მკვიდრთა ჰუმანიტარული კატასტროფის ფაქტისა და უბედურებისა კავკასიის უზველესი ეთნოსებისა, რომლებიც არიან ძირძველი ხალხი საქართველოს სახელმწიფოსი? მათი შთამომავლები ხომ, რომლებმაც რუსეთის იმპერიის მხრიდან ერთხელ გენოციდი უკვე გადაიტანა ახალი გენოციდის წინაშე დგანან!

"საქართველოს შეუძლია თავისი ავტორიტეტი გამოიყენოს ამ ადამიანების პრობლემებისადმი ყურადღების მისაქცევად. დააყენოს საკითხ საერთაშორისო დონეზე მათი გადარჩენისა და რეპატრიაციისა.

საქართველოს ძალუძს გაეროს დევნილთა საკითხების უმაღლესი კომისარიატის წინაშე დააყენოს ეს საკითხი, იმისათვის რათა შეიქმნას სპეციალური პუნქტები დევნილთა მიღებისა და მათ ისტორიულ სამშობლოში დაბრუნებისათვის. გაეროს , ეუთოსა და სხვა საერთაშორისო ორგანიზაციების დახმარებით შექმნას დევნილთა დროებითი ბანაკები.

ბატონო პრეზიდენტო! საქართველოს მთავრობის პატივცებულო წევრებო! ადამიანები, კავკასიის შვილები, სამშობლოდან განდევნილები უცხო მიწაზე იხოცებიან. კავკასიელები ხომ თავისიანებს არასოდეს ტოვებენ. დაე საქართველომ ააღორძინოს ძველი სტანდარტები კავკასიური სოლიდარობისა. ღმერთ უყვარს ისინი ვინც უმწეოებს შველიან და ის საქარველოს არ მიატოვებს", _ ნათქვამია მიმართვაში.