საქართველოში ბოსნია და ჰერცეგოვინის საგანგებო და სრულუფლებიანმა ელჩმა დრაგოლუბ ლეიპოიამ (რეზიდენციით ქ.ანკარა), საქართველოში დიპლომატიური საქმიანობის დასრულებასთან დაკავშირებით, გამოსამშვიდობებელი შეხვედრა გამართა საქართველოს საგარეო საქმეთა მინისტრ გრიგოლ ვაშაძესთან.
შეხვედრაზე მხარეებმა განიხილეს საქართველოსა და ბოსნია და ჰერცეგოვინას შორის არსებული ურთიერთობები. ხაზი გაესვა ორმხრივი თანამშრომლობის ახალ ეტაპზე გადაყვანისა და საერთაშორისო ორგანიზაციების ფარგლებში მჭიდრო კოორდინაციის აუცილებლობას.
საგარეო საქმეთა მინისტრმა წარმატებები უსურვა ბოსნია და ჰერცეგოვინის ელჩს მომავალ საქმიანობაში.
