შსს სასაზღვრო პოლიციის საგამოძიებო-ოპერატიული მთავარი სამმართველოს I სამმართველოს (აღმოსავლეთი) და სასაზღვრო პოლიციის N3 სამმართველოს (წითელი ხიდი) თანამშრომლებმა, გატარებული ოპერატიულ-სამძებრო ღონისძიებების შედეგად, საბაჟო წესების დარღვევის ფაქტზე, საქართველოს სამი მოქალაქე: მუსა მამედოვი, მაზახირ გაჯიევი და ნამიკ გაჯიევი დააკავეს, რომლებიც 2012 წლის 21 ივლისს, სასაზღვრო-საკონტროლო გამტარ პუნქტის გვერდის ავლით, საქართველოდან აზერბაიჯანის რესპუბლიკაში განსაკუთრებით დიდი ოდენობით მობილური ტელეფონის აპარატების ფარულად გადატანას ცდილობდნენ.
აღნიშნულ ფაქტთან დაკავშირებით დაიწყო წინასწარი გამოძიება საქართველოს სისხლის სამმართლის კოდექსის 19, 214 მუხლის I ნაწილით. გამოძიებას სასაზღვრო პოლიციის საგამოძიებო-ოპერატიული მთავარი სამმართველოს I სამმართველო (აღმოსავლეთი) აწარმოებს.