საფრანგეთის პრეზიდენტი, ემანუელ მაკრონი უკრაინის პრეზიდენტს, ვოლოდიმირ ზელენსკის ტელეფონით ესაუბრა. ამის შესახებ , სოციალურ ქსელში წერს.
მისი თქმით, კრივი რიჰში სავაჭრო ცენტრზე და კიევზე განხორციელებული თავდასხმებით რუსეთი აგრესიის დანაშაულს აგრძელებს და აძლიერებს,
"კრივი რიჰში დღისით, სავაჭრო ცენტრზე რუსეთის მიერ განხორციელებული ორმაგი დარტყმის შემდეგ პრეზიდენტ ვოლოდიმირ ზელენსკის ვესაუბრე. ამ თავდასხმას ძალიან დიდი რაოდენობით სამოქალაქო მსხვერპლი მოჰყვა. მას ჩვენი შეძრწუნება და ემოცია გავუზიარე.
ამ დარტყმებითა და კიევზე განხორციელებული თავდასხმებით რუსეთი აგრესიის დანაშაულს აგრძელებს და აძლიერებს. სამოქალაქო მოსახლეობის სისტემატური სამიზნედ ქცევით, დაშინებისა და ესკალაციის გზის არჩევით, რუსეთი, სავარაუდოდ, ცდილობს ძალის დემონსტრირებას, თუმცა, უპირველესად, სისუსტის აღიარებას ავლენს.
ამ ვითარებაში გადამწყვეტი მნიშვნელობა აქვს უკრაინისთვის ყველა აუცილებელი საშუალების მიწოდებას, რათა მან თავისი ცა დაიცვას და ამ აგრესიას წინააღმდეგობა გაუწიოს. პრეზიდენტ ზელენსკის ვაცნობე ჩვენი მხარდაჭერის გაძლიერების შესახებ, რაკეტების ჩამჭრელი რაკეტების მიწოდებით და თანამშრომლობის გაგრძელებით, გასული წლის 13 ივლისს პარიზში გამართული ანტისარაკეტო კოალიციის შეხვედრისა და 2025 წლის 17 ნოემბერს ხელმოწერილი განზრახვის წერილის შემდეგ. აუცილებელია, რომ ამ ძალისხმევას შეუერთდეს ყველა ქვეყანა, რომელსაც შესაძლებლობები გააჩნი
ასევე უნდა გავაგრძელოთ რუსეთის წინააღმდეგ ზეწოლის გაძლიერება, ვიდრე ის საომარი მოქმედებების შეწყვეტასა და მშვიდობაზე უარის თქმას განაგრძობს.
ჩვენ ასევე შევაჯამეთ ჩვენი მობილიზაციის შედეგები ორშაბათს დაგეგმილი „მსურველთა კოალიციის“ შეხვედრის წინ ჩვენი ძალისხმევა მიმართულია იმ მშვიდობის მისაღწევად, რომლისკენაც უკრაინელი ხალხი კანონიერად ისწრაფვის, მისი უფლებების დაცვით და უკრაინისა და ჩვენი კონტინენტისთვის უსაფრთხოების ყველა გარანტიის უზრუნველყოფით.
რუსეთი ტერორით ცდილობს უკრაინის გატეხვას, მაგრამ ის წარმატებას ვერ მიაღწევს.
უკრაინასთან ერთად, ერთიანი ძალებით, ჩვენ უზრუნველვყოფთ, რომ კანონo და სამართლიანობა ძალაზე მაღლა დადგეს",- წერს მაკრონი.
