აჭარის ფინანსთა და ეკონომიკის სამინისტრო უარყოფს ადგილობრივი მედიით გავრცელებულ ინფორმაციას, თითქოს და "შერატონის" მფლობერლს კომპანია "ნუროლს" სახელმწიფომ ქონება სიმბოლურ ფასად გადასცა, რათა აღნიშნულ ფართზე შემდგომ გასართობი კომპლექსი აეშენებინა.
სამინისტროში აცხადებენ, რომ სტატიაში „საბჭოთა ბელადების რეზიდენცია ,,შერატონის' მფლობელის საკუთრებაში", მოყვანილი ფაქტები სიმართლეს არ შეესაბამება და პუბლიკაცია წარმოადგენდა ფაქტების ზედაპირულად შესწავლის შედეგს.
სამინისტრო აცხადებს, რომ ყოფილი სამთავრობო აგარაკისა და მასზე დამაგრებული მიწის ნაკვეთის პრივატიზება განხორციელდა არა სიმბოლურ ფასად, არამედ 850 000 აშშ დოლარის ექვივალენტ ლარად და დამატებით გადახდილი იქნა 369 404 ლარი. სულ 1 848 404 ლარის ოდენობით.
"ასევე, სტატიის ავტორი აღნიშნავს რომ „დაზუსტებული ინფორმაციით ხელშეკრულების პირობები კომპანიას არ შეუსრულებია", რაც ასევე ფაქტობრივი გარემობის დამახინჯებულად წარმოდგენის მცდელობაა, რადგანაც 2006 წლის 17 აგვისტოს აჭარის ავტონომიური რესპუბლიკის ფინანსთა და ეკონომიკის სამინისტროსა და კომპანია „Nurol Insaat ve Ticaret Anonim Sirketi (A.S)" შორის გაფორმებული ნასყიდობის ხელშეკრულების შესაბამისად მყიდველის ვალდებულებას წარმოადგენდა:
ა) თანხის გადახდის ვალდებულება 1 848 404 ლარის ოდენობით, რაც გადახდილი იქნა დადგენილ ვადაში და წარმოდგენილია გადახდის დამადასტურებელი დოკუმენტები.
ბ) გადაცემული ქონების ტერიტორიაზე ნასყიდობის ხელშეკრულების ხელმოწერიდან 2 წლის განმავლობაში არსებული რეზიდენციის რენოვაცია/გადაკეთება რეკრიაციულ-გასართობ კომპლექსად და აღნიშნული მიზნის შესასრულებლად 4 000 000 აშშ დოლარის ინვესტირება, რაც მყიდველის მიერ შესრულებული იქნა ხელშეკრულებით დადგენილ ვადებში. კერძოდ: აუდიტორული კომპანიის მიერ მომზადებული დასკვნით
დასტურდება, რომ კომპანიამ განახორციელა 5 552 953 აშშ დოლარის ინვესტირება, რაც 1 552 953 აშშ დოლარით აღემატება ხელშეკრულებით ნაკისრ ვალდებულებებს, ხელვაჩაურის მუნიციპალიტეტის გამგეობის მშენებლობისა და სივრცითი მოწყობის სამსახურის 2008 წლის 6 ნოემბრის #225 წერილით დასტურდება, კომპანიის მიერ საინვესტიციო ვალდებულების შესრულება", ნათქვამია სამინისტროს მიერ გავრცელებულ განცხადებაში.
პირობების თანახმად, ინვესტორი ვალდებული იყო, კომპლექსის ექსპლუატაციაში შესვლიდან 1 წლის განმავლობაში 70 ადამიანის დასაქმება, რაც კომპანიის მიერ ასევე შესრულებული იქნა, კერძოდ: აუდიტორული კომპანიის დასკვნის შესაბამისად დასტურდება, რომ კომპანიის მიერ ობიექტის ამოქმედებიდან 1 წლის განმავლობაში დასაქმებული იყო 70 ადამიანი.
"სტატიის ავტორის მიერ ფაქტების არასწორი, არაობიექტური და ცალმხრივი აღქმის შედეგად, გამოტანილია ბუნდოვანი და აბსურდული დასკვნა, რომ განხორციელებული პრივატიზება არაეფექტურია და „ბათუმის ზღვისპირა მონაკვეთში ერთი კვადრატული მეტრი გასაყიდი ფართობის საბაზრო ფასი, საშუალოდ, 1500 დოლარია. სახელმწიფოს ეს ქონება 1500 დოლარად რომ გაეყიდა, ქვეყნის ბიუჯეტში, საშუალოდ, 250 მილიონი დოლარი შევიდოდა".
აღნიშნული დასკვნა ცხადია არ შეესაბამება რეალურ მდგომარეობას და წარმოადგენს მოსახლეობის შეცდომაში შეყვანის მცდელობას, გაუგებარია, თუ საიდან ასკვნის სტატიის ავტორი, რომ „სალიბაურში 1 კვ.მ. მიწის ნაკვეთის
ღირებულება შეადგენს 1500 აშშ დოლარს, მაშინ როდესაც, 2006 წელს ყოფილ სამთავრობო აგარაკის ტერიტორიაზე დამოუკიდებელი აუდიტის დასკვნის შეფასებით 1 კვ.მეტრის მიწის საბაზრო ღირებულება განისაზღვრა 5 ლარის ოდენობით, ხოლო ნასყიდობის ფასის შესაბამისად კომპანიას გადახდილი აქვს 1 კვ.მ. მიწის ნაკვეთში 8,73 ლარი. ე.ი 3,73 ლარით მეტი აქვს 1 კვ.მეტრში გადახდილი", აცხადებენ აჭარის ფინანსთა და ეკონომიკის სამინისტროში.
სამინისტრო აცხადებს, რომ განხორციელებული პრივატიზების ეფექტურობა კი გამოიხატება შემდეგში:. ყოფილი სამთავრობი აგარაკის პრივატიზების შედეგად ბიუჯეტში გადახდილი იქნა 1 848 404 ლარი და განხორციელებული იქნა 5 552 953 აშშ დოლარის ოდენობის ინვესტიცია. დღეისათვის არსებული მდგომარეობა. ასევე ყოფილი დახელოვნების ინსტიტუტის პრივატიზების შედეგად ბიუჯეტში გადახდილია 300483 ლარი, აშენებულია თანამედროვე სტანდარტების მრავალფუნქციური შენობა-ნაგებობა, რომელიც გამოირჩევა არქიტექტურული ღირებულებით და განხორციელებულია 8 580 000 ლარის ინვესტიცია.
აჭარის ფინანსთა და ეკონომიკის სამინისტროს ინფორმაციი, ყოფილი მრავალდარგობრივი პროფტექსასწავლებლის ამორტიზირებული შენობა-ნაგებობის პრივატიზების შედეგად ბიუჯეტში გადახდილი იქნა 785 250 ლარი, ძველი ამორტიზირებული შენობის ნაცვლად აშენებული იქნა ახალი სასტუმრო კომპლქსი „შერატონი", სადაც დღეისათვის დასაქმებულია 400 მეტი ადამიანი და განხორციელებულია 100 (ასი) მილიონამდე ინვესტიცია, ხოლო ქონების გადასახადის სახით კომპანიის ყოველ წლიური შენატანი ბიუჯეტში შეადგენს 1 მილონ ლარზე მეტს.
"საერთო ჯამში კომპანიის მიერ ბიუჯეტში გადახდილი იქნა 2 934 137 ლარი და განხორციელებულია 116 000 000 ლარზე მეტი ინვესტიცია. განსაკუთრებული აღნიშვნის ღირსია ის გარემობა, რომ განხორციელებული
პრივატიზირების შედეგად შავი ზღვისპირეთში პირველად აშენებული იქნა მაღალი კლასის 5 ვარსკლავიანი სასტუმრო კომპლექსი, რომელსაც ოპერირებას უწევს საყოველთაოდ ცნობილი ბრენდი შერატონი, რამაც საფუძველი დაუდო რეგიონის საინვესტიციო და ტურისტული პოტენციალის ზრდას და იქცა რეგიონის ფლაგმანად.
ყოფილი მრავალდარგობრივი პროფტექსასწავლებლის ამორტიზირებული შენობა-ნაგებობა: ყოფილი მრავალდარგობრივი პროფტექსასწავლებლის ახალი 5 ვარსკლავიანი სასტუმრო კომპლექსი „შერატონი", განმარტავენ სამინისტროში.
