გია ხუხაშვილის საცხოვრებელ სახლში მოსასმენი აპარატურის აღმოჩენის ფაქტთან დაკავშირებით "ქართული ოცნების" პრესსპიკერი მაია ფანჯიკიძე სამართალდამცავების მხრიდან რეაგირებას მოითხოვს.
"მიუხედავად იმისა, რომ არსებობს აუდიო- და ვიდეომასალა, თუ რა იქნა აღმოჩენილი ბატონი გიას ბინაში, გვინდა მივმართოთ სამართალდამცავ ორგანოებს, რაც შეიძლება მალე გამოიძიონ ეს საქმე, მოახდინონ სათანადო რეაგირება და, რაც მთავარია, საზოგადოებას მიაწოდონ ამომწურავი ინფორამცია იმის შესახებ, თუ რა მოხდა რეალურად", _ განაცხადა ჟურნალისტებთან ფანჯიკიძემ.
მისი თქმით, "ქართული ოცნება" აღნიშნული ფაქტის ამსახველ ვიდეომასალას საქართველოში აკრედიტებულ საელჩოებსა და საერთაშორისო ორგანიზაციებსაც გადაუგზავნის.
"ჩვენ ამ ფაქტს ვიდეო- და უდიომასალის თანხლებით გადავცემთ საქართველოში აკრედიტებულ საელჩოებსა და საერთაშორისო ორგანიზაციებს", _ განაცხადა ფანჯიკიძემ.
შეგახსენებთ: კოალიცია "ქართული ოცნების" მრჩევლის, გია ხუხაშვილის საცხოვრებელ სახლში მოსასმენი აპარატურა აღმოაჩინეს.