უსმანოვისა და ფრიდმანის სასანქციო სიებიდან ამოღება სამარცხვინო და გაუმართლებელია. ამის შესახებ უკრაინის საგარეო საქმეთა მინისტრი, ანდრი სიბიჰა სოციალურ ქსელში წერს.
„უსმანოვისა და ფრიდმანის სანქცირებული პირების სიიდან ამოღება სამარცხვინო და გაუმართლებელი გადაწყვეტილებაა. მოსკოვი ზეიმობს, რადგან მიიღო ის, რაც სურდა - დაუსჯელობის განცდა, ევროკავშირის დამცირება და ევროპელებს შორის განხეთქილება.
თუმცა მოსკოვში ამ ზეიმის ჩაშლის შესაძლებლობა ჯერ კიდევ არსებობს. მოვუწოდებ ევროკავშირის ყველა წევრ ქვეყანას, დაუყოვნებლივ განაცხადონ, რომ ამ ორი პირის წინააღმდეგ ეროვნულ სანქციებს დააწესებენ,“ - წერს სიბიჰა.
შეგახსენებთ, ევროკავშირის მუდმივი წარმომადგენლების კომიტეტმა 22 სექტემბერს წინასწარ შეთანხმებას მიაღწია რუსეთის წინააღმდეგ სანქციების 36 თვით გახანგრძლივების შესახებ. ამასთან, სანქცირებულთა სიიდან რუსი ოლიგარქები ალიშერ უსმანოვი და მიხაილ ფრიდმანი ამოიღეს.
