"სახალხო კრება არჩევნებში მონაწილეობას არ მიიღებს", - აღნიშნულის შესახებ ჟურნალისტებთან "სახალხო კრების" ერთ-ერთმა ლიდერმა ნონა გაფრინდაშვილმა განაცხადა.
მისი თქმით, მიუხედავად იმისა, რომ "ქართული ოცნებისა" და "სახალხო კრების" დეკლარაცია თითქმის ერთმანეთის იდენტურია, "სახალხო კრება" "ქართულ ოცნებაში" გაწევრიანებას მაინც არ გეგმავს.
"აღმასრულებელი ჯგუფის წევრები არსად წასვლას არ აპირებენ. ჩვენი დეკლარაცია ერთი-ერთზე ემთხვევა "ქართული ოცნების" მოსაზრებას, ერთ გადახვევასაც ვერ ნახავთ", - განაცხადა გაფრინდაშვილმა და აღნიშნა, რომ "სახალხო კრებაში" შემავალ პოლიტიკურ პარტიებს ერთიანი პოლიტიკური ბლოკის შექმნის შესახებ გადაწყვეტილება მიღებული არ აქვთ. თუმცა გაფრინდაშვილმა ჟურნალისტებთან განაცხადა, რომ ბლოკის შექმნის შეთხევაში "სახალხო კრება" ერთიან ოპოზიციურ ბლოკს დაუჭერს მხარს.
"ჩვენ ვასოცირდებით სახალხო კრებასთან. კახა კუკავა არის ჩვენი სათათბიროს წევრი. ალიანსი ჯერ არ შემდგარა, თუ შედგა, მაშინ სახალხო კრება მათ დაუჭერს მხარს. ვფიქრობ, რომ ალიანსი უნდა შედგეს", - განაცხადა გაფრინდაშვილმა.
