საქართველო ხორვატიასთან ეკონომიკური ურთიერთობების გაღრმავებას ცდილობს. მსოფლიო ეკონომიკური ფორუმის რეგიონულ შეხვედრაში, რომელიც წელს სტამბული მასპინძლობდა, საქართველოს ეკონომიკისა და მდგრადი განვითარების მინისტრი ვერა ქობალია ხორვატიის ვიცე-პრემიერსა და ეკონომიკის მინისტრს რადომირ ჩაჩიჩს შეხვდა. მხარეებს შორის საუბარი წარიმართა ენერგეტიკის, ტურიზმისა და სოფლის მეურნეობის სფეროებში. შეხვედრაზე ითქვა, რომ გაიმართება ორმხრივი შეხვედრა, რომელზეც განხილული იქნება ენერგეტიკის სფეროში თანამშრომლობის საკითხები. შეხვედრაზე ვერა ქობალიამ ხორვატ კოლეგას საქართველო-ხორვატიის შესაბამის სამინისტროებს შორის თანამშრომლობის კომისიის მოწვევა და სხვადასხვა ეკონომიკური საკითხების განხილვა შესთავაზა.
