4-6 ივნისს, თურქეთის მთავრობის მხარდაჭერით, სტამბული მსოფლიო ეკონომიკურ ფორუმს უმასპინძლებს. წინასწარი ინფორმაციით, ფორუმში მონაწილეობას 1000-ზე მეტი მსხვილი კომპანიის ხელმძღვანელი მიიღებს. მსოფლიო ეკონომიკურ ფორუმზე დაგეგმილია ფორუმში მონაწილე 7-ზე მეტი ქვეყნების მთავრობების მაღალჩინოსნების მონაწილეობას. აღნიშნულ ეკონომიკურ ფორუმში მონაწილეობას იღებს საქართველოც, რომელიც ღონისძიებაზე კერძო სექტორის წარმომადგენლებთან ერთად ქვეყნის პრემიერ-მინისტრით იქნება წარმოდგენილი. უკვე ცნობილია, რომ მსოფლიო ეკონომიკურ ფორუმს თურქეთის პრემიერ-მინისტრი რეჯებ ტაიპ ერდოგანი გახსნის. ფორუმზე განხილული იქნება ქვეყნების ეკონომიკური განვითარება, ეკონომიკის ზრდის ტემპი, სოციალური ვითარება, ახალი სამუშაო ადგილების შექმნა, ეკონომიკის დივერსიფიკაცია და გეოპოლიტიკური სიტუაცია "არაბული გაზაფხულის" შემდგომ პერიოდში, ევროზონის მომავალი.
