მსოფლიო ბაზარზე ზეითუნის ზეთის ფასის მკვეთრი შემცირება გაჭიანურებულ კრიზისში მყოფ ესპანეთს, იტალიას და საბერძნეთს ფინანსური პრობლემის გაღრმავებით ემუქრება. ხმელთაშუა ზღვის ქვეყნებში მიმდინარე კრიზისის ფონზე მისი მოხმარების შემცირების გამო ზეითუნის ზეთის ფასი უკანასკნელი 10 წლის მანძილზე მინიმუმამდე დაეცა.
პირველი გამოწურვის ზეთი - პრემიუმ კლასი საბითუმო ბაზრებზე 2002 წლის დონეზე გაიაფდა- 1 ტონა 2900 დოლარი, მაშინ როცა 2005 წლის პიკზე 1 ტონა 6000 დოლარი ღირდა.
ამასთან ესპანეთში, რომელიც წარმოადგენს მსოფლიო ლიდერს ამ პროდუქციის წარმოების დარგში, რეკორდული მოსავალი დაფიქსირდა, რამაც ბაზარზე ჭარბი მიწოდება გამოიწვია, ექსპერტების აზრით ხმელთაშუა ზღვის ქვეყნებში ზეითუნის ზეთის მოხმარების დონე ყველაზე დაბალია 1995 წლიდან და მხოლოდ ნაწილობრივ კონპენსირდება მსოფლიოს სხვა რეგიონებში მოთხოვნის ზრდის ხარჯზე.
"ბაზარი სერიოზულ კრიზისს განიცდის. ეს კულტურა (ზეთისხილი) სასიცოცხლოდ აუცილებელია ძირითადი ქვეყნებისთვის, სადაც ის მოყავთ,რამდენადაც ის უზრუნველყოფს დასაქმებას სოფლის მეურნეობის მწარმოებელ რაიონებში"- აცხადებს საერთო ევროპული ფერმერული გაერთიანების Copa-Cogeca-ს უფროსი პეკ პეკსონი.
ესპანეთი, საბერძნეთი და იტალია რომელიც მისი წარმოების მოცულობით ბევრად უსწრებს დანარჩენ ქვეყნებს, უზრულველყოფს ზეითუნის ზეთის მსოფლიო გაყიდვების 70%-ს .
ზეთისხილის კორომი - მთავარი და ზოგჯერ ერთადერთი შემოსავლის წყაროა ამ ქვეყნების უღარიბესი სასოფლო რეგიონებისთვის,მათ შორის ესპანეთის ანდალუსიისთვის, სადაც ზეთზე მოთხოვნის შესუსტების გამო უმუშევრობამ გასულ კვარტალში 33%-ი შეადგინა.
ევროკავშირი იძულებული გახდა გაეტარებინა ინტერვენცია ამ ბაზარზეც: ბლოკის ქვეყნები კომპანიებს უხდიდნენ სუბსიდიებს, რათა შეენახათ ჭარბი ზეთი, რომელსაც ვერ ყიდიდნენ.