"თუ კი "შახ-დენიზის კონსრომციუმი გაზის ტრანსპორტიების მარშრუტის შესახებ მომავალ წელს მაინც მიიღებს გადაწყვეტილებას, მაშინ Nabucco-ს მშენებლობა 2015 წელს დაიწყება, აცხადებენ OMV-ში.

OMV-ის აღმასრულებელი დირექტორის გერჰარდ როისის განმარტებით, დღეს Nabucco-ს პროექტი საჭიროა ისე, როგორც არასოდეს. რეგიონისათვის მნიშვნელოვანია არსებობდეს გაზდასენი, რომლითაც შავი ზღვის გავლით გაზის ტრანსპორტირება იქნება შესაძლებელი.

როგორც ცნობილია, თებერვალში OMV-მა განაცხადა, რომ ExxonMobil Exploration and Production Romania-თან ერთად შავ ზღვაში რუმინეთის შელფზე გაზის დიდი მარაგები აღმოაჩინა.

გერჰარდ როსის განმარტებით, გამორიცხული არ არის, რომ გაზის ტრანსპორტირებისათვის პროექტის ახალი კონცეფცია Nabucco - Nabucco West-ი შემუშავდეს, რომელიც თურქეთ-ბულგარეთის საზღვართან გაზსადენის მშენებლობას ითვალისწინებს. პროექტის საწყის ეტაპზე, 3900 კილომეტრი გაზსადენის მშენებლობა იგეგმება საქართველო-თურქეთის და ერაყ-თურქეთის საზღვრიდან ბაუმგართენამდე. როგორც მოსალოდნელია გაზსადენი გაივლის თურქეთს, ბულგარეთს, რუმინეთს, ბულგარეთსა და ავსტრიას.

შეგახსენებთ, რომ Nabucco-ს კონსროციუმიში გაერთიანებულნი იყვნენ თურქული კომპანია Botas, Bulgarian Energy Holding, უნგრული MOL PLC, ავსტრიული OMV Gas&Power, GmbH გერმანული RWE და რუმინული Transgaz. თუმცა როგორც ცოტახნის უკან გახდა ცნობილი, პროექტი უნგრულმა კომპანიამ უკვე დატოვა.

Nabucco-ს პროექტი ითვალისწინებს კასპიური გაზის ევროპაში მოხვედრასც აზერბაიჯანის, საქართველოს, თურქეთის, ბულგარეთის, უნგრეთის, რუმინეთისა და ავსტრიის გავლით. პროექტის თანახმად, გაზსადენი ბაქო-თბილისი-ერზერულის გაზსადენის გაგრძელება გახდება და, ყოველწლიურად, 20-30 მლრდ კუბური მეტრის გაზის გატარებას უზრუნველყოფს.