"ჩვენ პასუხისმგებლობით ვართ გაწყობილნი მომდევნო ცვლილებებისადმი და მოუთმენლად ველით ჩიკაგოს სამიტს. ის ფორმატი, რომელიც ახლა გვაქვს უფრო იმედისმომცემია, რადგან ხაზს უსვამს, რომ საქართველო წინ მიდის", _ განაცხადა საქართველოს პრეზიდენტმა მიხეილ სააკაშვილმა ნატოს გენერალურ მდივანთან ანდერს ფოგ რასმუსენთან ერთად ბრიუსელში გამართულ ერთობლივ პრესკონფერენციაზე.
"თქვენ დღევანდელ გამოსვლაში ორჯერ აღნიშნეთ, რომ საქართველო არის მოდელი. როდესაც პრეზიდენტ ობამას შევხვდი, მან საქართველოს მთელი რეგიონის მოდელი-სახელმწიფო უწოდა. რეფორმებისა და ცვლილებების კუთხით.
იმას, რომ საქართველოს თქვენც მოდელად მოიხსენიებთ ჩვენთვის განსაკუთრებული მნიშვნელობა აქვს, რადგან ხაზს უსვამს იმას რომ ეს გზა უნდა განვაგრძოთ", _ განაცხადა მიხეილ სააკაშვილმა.