"ალიანსი არ სცნობს საქართველოს რეგიონებში - აფხაზეთსა და სამხრეთ ოსეთში ჩატარებულ არჩევნებს", - ეს განცხადება ნატოს გენერალურმა მდივანმა ანდრეს ფოგ რასმუსენმა საქართველოს პრეზიდენტთან ერთად ბრიუსელში გამართულ ერთობლივ პრესკონფერენციაზე გააკეთა.
"საქართველო მიისწრაფის ალიანსში გაწევრიანებისაკენ და ჩვენ მხარს ვუჭერთ ამ მისწრაფებას. 2008 წლის ბუქარესტის სამიტზე შევთანხმდით, რომ საქართველო გახდება ნატოს წევრი. ეს განაწყვეტილება მყარად რჩება ძალაში. ნება მიბოძეთ დავადასტურო, რომ ალიანსი მხარს უჭერს საქართველოს ტერიტორიულ მთლიანობასა და სუვერენიტეტს მის საერთაშორისოდ აღიარებულ საზღვრებში", _ აცხადებს რასმუსენი და კიდევ ერთხელ აღნიშნავს, რომ "ალიანსი არ სცნობს საქართველოს რეგიონებში - აფხაზეთსა და სამხრეთ ოსეთში ჩატარებულ არჩევნებს".
"ეს არჩევნები ხელს არ შეუწყობს საქართველოში ვითარების მშვიდობიან და გრძელვადიან მოგვარებას", _ განაცხადა რასმუსენმა.