"საქართველო მისაბაძი მაგალითია ნატოსთან ურთიერთობაში", _ ეს განცხადება ნატოს გენერალურმა მდივანმა ანდერს ფოგ რასმუსენმა გააკეთა.
მიხეილ სააკაშვილისა და ანდერს ფოგ რასმუსენის ერთობლივი ბრიფინგის მთავარი თემა საქართველო-ნატოს ურთიერთობა იყო. ის პასუხისმგებლობა და თანამშრომლობის ინტენსიურობა რომელსაც საქართველო ავითარებს ალიანსთან ურთიერთობისას, რასმუსენმა ნატოში გაწევრიანების მსურველ ყველა ქვეყანას მაგალითად დაუსახა. გენერალურმა მდივანმა ასევე საგანგებოდ აღნიშნა ის საკანონმდებლო რეფორმები რომლებიც ქვეყანაში ბოლო პერიოდში განხორციელდა.
საქართველოს პრეზიდენტმა მიხეილ სააკაშვილმა კი სიტყვით გამოსვლისას იმედი გამოთქვა, რომ გარე ძალები ვერ მოახერხებენ უარყოფითი ზეგავლების მოხდენას ამ ურთიერთობაზე.
ერთობლივ განცხადებამდე მიხეილ სააკაშვილმა და ანდერს ფოგ რასმუსენმა პირისპირ შეხვედრა გამართეს.