ნარკოდამნაშავეების ყოფაქცევა კანონით გათვალისწინებული იქნება. ამის შესახებ საქართველოს ზოგიერთ საკანონმდებლო აქტში ცვლილების პროექტი პარლამენტმა დღეს დაამტკიცა.
ცვლილებების თანახმად, საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს ადგილობრივი საბჭო, უფლებამოსილი იქნება, პირის (ნარკოტიკული საშუალების მომხმარებელი, ნარკოტიკული საქმიანობის ხელშემწყობი, ნარკოტიკული საშუალების გამსაღებელი) ყოფაქცევის გათვალისწინებით, კანონით დადგენილი ვადის გასვლამდე, აღუდგინოს მას ჩამორთმეული უფლებები, ან შეუმციროს პირს უფლებების ჩამორთმევის ვადა.
ამასთან, სასამართლოს შეეძლება პირობით მსჯავრდებულის ყოფაქცევის გათვალისწინებით, უფლებამოსილი ორგანოს წარდგინებით, გააგრძელოს (არა უმეტეს ერთი წლით) ან შეამციროს გამოსაცდელი ვადა.