დღეს, 26 მარტს, საქართველოს საგარეო საქმეთა სამინისტროში, მინისტრის მოადგილემ, თორნიკე გორდაძემ შეხვედრა გამართა შვედეთის სამეფოს საგარეო საქმეთა სამინისტროს პოლიტიკურ საკითხთა გენერალურ დირექტორთან ბიორნ ლირვალთან.
საგარეო საქმეთა სამინისტროს ინფორმაციით, შეხვედრაზე განხილულ იქნა საქართველოსა და შვედეთის სამეფოს შორის არსებული ორმხრივი პოლიტიკური და ეკონომიკური ურთიერთობების ფართო სპექტრი, ასევე საქართველოში არსებული შიდა პოლიტიკური მდგომარეობა, განხორციელებული რეფორმები. ხაზი გაესვა საქართველოსა და ევროკავშირის ურთიერთობების დინამიკას. მხარეებმა ასევე განიხილეს საქართველოს ოკუპირებულ ტერიტორიებზე არსებული მდგომარეობა და სხვა ორმხრივი და მრავალმხრივი საკითხები.
