ამ ეტაპზე რომელიმე პოლიტიკურ პარტიაში თუ ბლოკში გაწევრიანებას არ ვგეგმავ, - ამის შესახებ "პრაიმტაიმის" პრესკლუბში ვალერი გელბახიანმა განაცხადა.
მისი თქმით, იგი საპარლამენტო არჩევნებში მონაწილეობას არ აპირებს, რადგან მის მიმართ დაწესებულია შეზღუდვები.
"საპარლამენტო არჩევნებში ხელისუფლებას ეყოლება თავისი კანდიდატი, "ქართულ ოცნებას" თავისი, რომ არა შეზღუდვები, რომელიც ჩემთვის არის დაწესებული, საპარლამენტო არჩევნებში მონაწილეობას ალბათ მივიღებდი. მე თავის დროზე ვიყავი საჩხერის მაჟორიტარი კანდიდატი და ის თუ საჩხერეში ვინმეს შეუძლია თქვას, რომ მას ჰყავს გუნდი, ამის თქმა მე ხმამაღლა შემიძლია", - ამბობს ვალერი გელბახიანი.
შეგახსენებთ, რომ სახელმწიფო გადატრიალების ბრალდებით ვალერი გელბახაინი 2007 წლიდან იყო ძებნილი. ცოტა ხნის წინ კი ქართულმა სასამართლომ ის გირაოს საფუძველზე გაანთავისუფლა.