საქართველოს პრეზიდენტის მიხეილ სააკაშვილის პარლამენტში ყოვლეწლიური ანგარიშით გამოსვლა ხვალ, 28 თებერვალს 20:00 საათზე დაიწყება. ამის შესახებ დღეს, ბიუროს სხდომაზე პარლამენტის თავმჯდომარემ დავით ბაქრაძემ განაცხადა.
მისი თქმით, პრეზიდენტის გამოსვლას და დებატებს საზოგადოებრივი მაუწყებელი პირდაპირ ეთერში გადასცემს.
„ეს საუკეთესო დროა დებატების გადასაცემად", - აღნიშნა ბაქრაძემ და აქვე იმედი გამოთქვა, რომ საზოგადოებრივი მაუწყებელი მის პირდაპირ ერთერში გაშუქებაზე დასთანხმდებათ.
გარდა ამისა, პარლამენტის თავმჯდომარემ უმრვლესობას, უმცირესობას, ფრაქციებს და დამოუკიდებელ დეპუტატებს სთხოვა, ხვალ პლენარულ სხდომაზე მიაწოდონ გამომსვლელთა რიგითობისა და დროის გადანაწილების შესახებ ინფორმაცია.
ამასთან, ბაქრაძის განცხადებით, მიუხედავად იმისა, რომ პარლამენტიში პრეზიდენტის გამოსვლას რეგლამენტის 194 მუხლი განსაზღვრავს, ხვალ, დღის პირველ ნახევარში პლენარულ სხდომაზე „ქრისტიან-დემოკრატების" წინადადებას დააყენებენ, რომლებმაც სააკაშვილის გამოსვლის შემდეგ დებატების ჩატრების გამართვის მოთხოვნით ოფიციალურად მიმართეს.
აღსანიშნავია, რომ ფრაქცია „ერთობა სამართლიანობისთვის" მიხეილ სააკაშვილის გამოსვლის დასრულების შემდეგ გამოსვლების გაგრძელბას რეგლამენტის 194 მუხლით ითხოვდნენ, რომლის თანახმადაც, პარლამენტი, როგორც წესი, საგაზაფხულო სესიის პლენარული სხდომების პირველ დღეს, საქართველოს კონსტიტუციის შესაბამისად ისმენს საქართველოს პრეზიდენტის ყოველწლიურ მოხსენებას ქვეყნის მდგომარეობის უმნიშვნელოვანეს საკითხებზე.
პრეზიდენტის მოხსენების შემდეგ ცხადდება ორსაათიანი შესვენება, რომლის შემდეგ იწყება ფრაქციების თავმჯდომარეთა გამოსვლები.
თუმცა მიუხედავად დიმიტრი ლორთქიფანიძის ფრაქციის მოთხოვნის მიუხედავად, პრეზიდენტის გამოსვლის შემდეგ დებატები რეგლამენტის 138-ე მუხლის მეორე ნაწილის თანახმად გაიმართება.
რეგლამენტის თანამხად, პოლიტიკურ დებატებში გამოსვლებისათვის უმრავლესობასა და უმცირესობას ეძლევა თითოეულს 45 წუთი, ფრაქციასა და პარლამენტის თავმჯდომარეს (სხდომის თავმჯდომარეს) - თითოეულს 15 წუთი, პარლამენტის თავმჯდომარის მოადგილეს - 10 წუთი, პარლამენტის წევრს, რომელიც არ არის გაერთიანებული არც ერთ ფრაქციაში, - 5 წუთი. ფრაქცია, უმრავლესობა და უმცირესობა მათთვის გამოყოფილი დროის ფარგლებში განსაზღვრავენ გამომსვლელთა რაოდენობასა და მათზე დროის გადანაწილების სქემას. პოლიტიკურ დებატებში გამომსვლელთათვის გამოყოფილი დროის გაზრდა დაუშვებელია.
