ტურიზმის ეროვნული ადმინისტრაციის ორგანიზებით, თბილისისა და რეგიონების სერვისის ამაღლების მიზნით, ტურისტული საინფორმაციო ცენტრების თანამშრომლების გადამზადება იწყება.
24 თებერვალს 11:00 საათზე, სასტუმრო "Holiday Inn"-ში საინფორმაციო ცენტრის თანამშრომლებისთვის ჩატარდება ტრენინგი ამერიკული პროგრამით - "Service Plus". ტრენინგს დაესწრება 12 საინფორმაციო ცენტრის 30 თანამშრომელი.
"Service PLUS" - ეს არის მომსახურების სფეროს ტრეინინგის სერტიფიცირებული ვერსია, რომელიც წლების განმვლობაში წარმატებით გამოიყენება როგორც ამერიკაში, ასევე მის ფარგლებს გარეთ. პროგრამა შედგება 4 ნაწილისგან (კომპიუტერული კურსი), რომელსაც თან ახლავს დამხმარე ტესტები და წერილობითი მასალა. კურსი გათვალისწინებულია მომსახურების სფეროს თანამშრომლებისთვის და მოიცავს 4 ძირითად მიმართულებას: კლიენტთან ურთიერთობა, როგორც პირისპირ, ასევე სატელეფონო ეტიკეტი; მომსახურება და მომსახურების სწორი გადანაწილება/გადამისამართება; სამუშაო გარემოს უნარები (როგორ დაგეგმოთ თქვენი საქმე და გადაანაწილოთ პრიორიტეტები); პრობლემასთან სწორი მიდგომის და გადაჭრის უნარ-ჩვევები.
შეგახსენებთ, რომ დასაქმების და ტრეინინგების კომპანია KMS Georgia ამერიკის საერთაშორისო განვითარების სააგენტოს (USAID) და EEPI პროგრამის დაფინანსებით ატარებს ამერიკული სერტიფიცირებული პროგრამის "Service PLUS" - ის ტრეინინგებს რესტორნების და სასტუმროების პერსონალისთვის. მონაწილეებისთვის ტრეინინგის გავლა უფასოა.
