"კახაბერი და ხანუმების" კორპორატიულ საღამოზე ანაზღაურება 7 ათასი დოლარიდან იწყება. როგორც "ჯი-ეიჩ-ენს" კახა ცისკარიძემ განუცხადა, მოთხოვნა ისეთი აქვს, როგორც უცხოელს საქართველოში.
"ვმუშაობ, როგორც უცხოელი საქართველოში და მოთხოვნაც ისეთი მაქვს, როგორც მათ, იმიტომ რომ ვაკეთებ შოუს და ამისთვის ვითხოვ იმდენს, რამდენიც საჭიროა. "კახაბერი და ხანუმების" პროექტში ძალიან დიდი თანხა მაქვს ჩადებული და ყველა დეტალი მაქვს გათვლილი. ჩვენ გვაქვს პროგრამა, რომელიც დაყრდნობილია ნაციონალურ სიმღერებზე. მირჩევნია კორპორატიულ საღამოზე დავთანხმდე, რადგან იქ მინიმუმ 7 ათას დოლარს იხდიან, შეკვეთილი და საკლუბო კონცერტებისგან კი თავს ვიკავებ, თუმცა იქ 5000 ლარიდან იწყება ანაზღაურება", - განაცხადა "ჯი-ეიჩ-ენთან" ცისკარიძემ.
როგორც სააგენტოსთან საუბარში ცისკარიძემ აღნიშნა, "კახუჩელა და ხანუმებმა" უარი განაცხადონ.
"ვფიქრობ, ზაფხულამდე საკლუბო კონცერტებისგან თავი შევიკავო. შესაძლოა, ეს ბოლო კონცერტიც კი აღმოჩნდეს (17 თებერვალს Two Side-ში გამართული საღამო. რედ.) ამ ტიპის, იმიტომ რომ, ფაქტობრივად, დრო არ მრჩება სხვა საქმითვის, არადა მოგეხსენებათ, ალბომზე ვმუშაობთ. გადავწყვიტე საკლუბო კონცერტებისგან თავი შევიკავო და მხოლოდ კორპორატიულ მიწვევებზე დავთანხმდეთ", - თქვა ცისკარიძემ.
"კახაბერმა და ხანუმებმა" ახალი პროექტის პრეზენტაცია 2011 წლის ივლისში გამართეს, სადაც მუსიკოსებმა თანამედროვე მუსიკისა და ფოლკლორის სინთეზი წარმოადგინეს.
