არასამთავრობო ორგანიზაციები 26 მაისის მოვლენების შემსწავლელი დროებითი საგამოძიებო კომისიის შექმნას მოითხოვენ.
არასამთავრობო ორგანიზაციებმა დღეს ოპოზიციურ ფრაქცია "ერთობა სამართლიანობის" წევრებს საგამოძიებო კომისიის შექმნის თხოვნით მიმართეს.
არასამთავრობო ორგანიზაციები და საზოგადოების წარმომადგენლები კატეგორიულად მოითხოვენ "ერთობა სამართლიანობის" წევრებისგან, ინიცირებულ იქნეს საჯარო დებატებისა გამართვა 2011 წლის 26 მაისის მოვლენებთან დაკავშირებით, ფართო საზოგადოების, მედიისა და საქართველოში აკრედიტებული დიპლომატიური კორპუსის თანამონაწილეობით, რაც შექმნის წინაპირობას, რომ პარლამენტში ჩამოყალიბდეს 26 მაისის მოვლენების შემსწავლელი საგამოძიებო კომისია.
არასამთავრობო ორგანიზაციები მედიის წარმომადგენლებს მოუწოდებენ, აქტიურად ჩაერთონ აღნიშნული მოთხოვნის გაშუქებაში და საზოგადოებას პერმანენტულად მიაწოდონ უტყუარი ინფორმაცია 26 მაისის მოვლენების გამოძიების მიმდინარეობის შესახებ.
აღნიშნულ მიმართვა-პეტიციას ხელს აწერენ: ქალთა სამოქალაქო მოძრაობა "თამარიონი", "უმუშევართა კავშირი დასაქმებისათვის", "სოლიდარობა უკანონო პატიმრებს", "თავისუფალ ასოციაციათა კავშირი", "ყოფილი პოლიტპატიმრები ადამიანის უფლებებისათვის", დევნილთა სამოქალაქო მოძრაობა და ა.შ.
