საქართველოს პრეზიდენტის ადმინისტრაცია ბიზნესმენ ბიძინა ივანიშვილის მოქალაქეობასთან დაკავშირებით პირველ კომენტარს აკეთებს. როგორც დღეს გამართულ ბრიფინგზე პრეზიდენტის პრესპიკერმა მანანა მანჯგალაძემ განაცხადა, პრეზიდენტის ადმინისტრაცია ამ ეტაპზე ვრცელი კომენტარისგან თავს იკავებს.
"რაც შეეხება სამართლებრივ ნიუანსებსა და გადაწყვეტილებებს, ყველა საკითხი არის სრულ შესაბამისობაში საქართველოს კონსტიტუციასთან და მიღებულია იმ დასკვნების საფუძველზე, რომელიც გაკეთდა იუსტიციის სამინისტროს მხრიდან", - განაცხადა მანჯგალაძემ.
შეგახსენებთ, პრეზიდენტის 2011 წლის 11 ოქტომბრის ბრძანებულებით ბიზნესმენ ბიძინა ივანიშვილს საქართველოს მოქალაქეობა ჩამოერთვა. მოქალაქეობის ჩამორთმევის მოტივაციად, ბიძინა ივანიშვილისათვის სხვა სახელმწიფოს მოქალაქეობაში შესვლა წარმოადგენს.
