დომინოს მსოფლიო ჩემპიონატის 200 მდე მონაწილე სოხუმში უკვე ჩავიდა. ინფორმაციას ამის შესახებ აფხაზური მხარე ავრცელებს. მათივე ინფორმაციით, სოხუმში ჩასულ მონაწილეთა შორის არის დელეგაციები რუსეთიდანმ აშშ-დან, ვენესუელიდან და იამაიკიდანაც კი.
"ჩემპიონატის ჩატარების საოგანიზაციო კომიტეტის წევრები ყველა დელეგაციას სოჭის აეროპორტში ხვდებიან, შემდეგ ისინი სოხუმში ჩაჰყავთ და სასტუმროებში ათავსებენ. ჩემპიონატის მონაწილეთა რეგისტრაცია დღეს საღამოს დაიწყება", _ იუწყება აფხაზური მხარე.
მათივე ინფორმაციით, ხვალ 18 ოქტომბერს 17:00 საათზე დომინოს ჩემპიონატის მონაწილეები სოხუმის ცენტრში მდებარე 1992-1993 წწ. კონფლიქტის დროს გარდაცვლილ ბოევიკთა მემორიალთან გვირგვინებს მიიტანენ, შემდეგ კი 17:30 საათზე სოხუმის ფილარმონიაში ჩემპიონატის ოფიციალური გახსნის ცერემონიალი გაიმართება.
20:00 საათზე ჩემპიონატის მონაწილეები მსვლელობას აფხაზეთის დრამატული თეატრისაკენ მოაწყობენ, რომლის წინაც გაიმართება კომცერტი, შემდეგ კი ფოიერვერკი მოეწყობა.
ჩემპიონატის თამაშები 19 და 20 ოქტომბერს 08:00 დან 19:00 საათებში გაიმართება. 21 ოქტომბერს 16:00 საათზე ფილარმონიაში ჩემპიონატის გამარჯვებულთა საზეიმო ცერემონიალი გაიმართება.