საქართველოს პრეზიდენტი მიხეილ სააკაშვილი რამდენიმე ქვეყნის დიპლომატისგან რწმუნებათა სიგელებს მიიღებს. ამის შესახებ დღეს გამართულ ტრადიციულ ბრიფინგზე საქართველოს საგარეო საქმეთა მინისტრის მოადგილე ნიკოლოზ ვაშაკიძემ განაცხადა. მისი თქმით, პრეზიდენტს რწმუნებათა სიგელებს არგენტინის, ესპანეთის, მოლდოვის, ეთიოპიის, მალაიზიის, ბელგიის, კორეის რესპუბლიკის, ეგვიპტისა და ფილიპინების ელჩები გადასცემენ.
ვაშაკიძის განცხადებით, ცერემონიის ფარგლებში გაიმართება ასევე ორმხრივი შეხვედრები და კონსულტაციები.
