საქართველოს საგარეო საქმეთა მინისტრის პირველმა მოადგილე ნიკოლოზ ვაშაკიძემ დღეს გამართულ ტრადიციულ ბრიფინგზე საქართველოში გაეროს გენერალური მდივნის თანაშემწის ოსკარ ფერნანდეს ტარანგოს საქართველოში ვიზიტზე ისაუბრა. მისი თქმით, მისი აქ ვიზიტისას, მხარეებმა განიხილეს ოკუპირებულ ტერიტორიებზე არსებულ ვითარებაზე, ჟენევის საერთაშორისო დისკუსიებზე და გაეროს ჩართულობის გაღრმავებასთან დაკავშირებულ საკითხებზე.
"გაეროს მაღალი რანგის დიპლომატი პირველად ჩამოვიდა საქართველოში და შესაბამისი სამუშაო ვიზიტი გაცნობით ხასიათს ატარებდა. აღსანიშნავია, რომ გაეროს პოლიტიკურ საკითხთა დეპარტმანტის სამსახური სწორედ ის სამსახურია, რომელიც რეგულარულ რეჟიმში პირდაპირ აწვდის ინფორმაციას გაეროს გენერალურ მდივანს. ვიზიტის ფარგლებში გაეროს წარმომადგენელმა მოინახულა ოკურებული აფხაზეთი. ვიზიტი მიზნად ისახავდა საქართველოსა და გაეროს შორის თანამშრომლობის გაღრმავების პერსპექტივების განხილვას", - განაცხადა ვაშაკიძემ.
ოსკარ ფერნანეს ტარანგო საქართველოში 11-13 ოქტომბერს იმყოფებოდა. მან შეხვედრბი საქართველოს ეროვნული უშიშროების საბჭოს მდივანთან და საქართველოს საგარეო საქმეთა მინისტრის მოადგილესთან გამართა.