ბიძინა ივანიშვილი აპირებს საქართველოში ისეთი დემოკრატია შექმნას, რომ ევროპა გააკვირვოს. ეს განცხადება მამნ თავად "როიტერისათვის" მიცემულ ინტერვიუში გააკეთა.
"ვიმედოვნებ გავაკვირვო ევროპა საქართველოში ისეთი დემოკრატიის დონე უნდა შევქმნა... ეს იქნება ისეთი ჭეშმარიტი დემოკრატია, რომ ევროპელებსაც კი მოუნდებათ საქართველოში ინვესტიციების ჩადება", _ აცხადებს ივანიშვილი, რომელიც პარლამენტის სპიკერის ან პრემიერის რანგში ისეთი პრობლემების გადაჭრას გეგმავს როგორებიცაა: საკონსტიტუციო რეფორმა საზოგადოებრივი დისკუსიის ბაზაზე საქართველოს სახელმწიფოებრივი მოწყობის შესახებ, სასამართლო რეფორმა, რომელმაც დამოუკიდებელი სასამართლოს გარანტიები უნდა შექმნას, მაღალ ეშელონებში კორუფციის აღმოფხვრა და ა.შ.
ყოველივე ამის მისაღწევად, მისივე თქმით, ივანიშვილს ორი-სამი წელი სჭირდება, ამის შემდეგ კი იგი პოლიტიკიდან წასვლას აპირებს.
შეგახსნებთ, რომ ბიძინა ივანიშვილმა, რომლის ქონებაც 5,5 მილიარდ აშშ დოლარია, საქართველოს პოლიტიკურ ცხოვრებაში აქტიური მონაწილეობის მიღების სურვილი უკვე გამოთქვა. ივანიშვილი პოლიტიკური პარტიის ჩამოყალიბებას და საპარლამენტო არჩევნებში მონაწილეობის მიღებას გეგმავს. ბიძინა ივანიშვილი საქართველოს პრეზიდენტს მიხეილ სააკაშვილს გადადგომისკენ მოუწოდებს და პოლიტიკურ პარტიებთან ამჟამად კონსულტაციებს მართავს.
მასალის გამოყენების პირობები