"ჯერ ადრეა საუბარი იმაზე, ჩვენ ბლოკს შევქმნით თუ ეს ერთი პარტია იქნება", - აცხადებს ბიძინა ივანიშვილი "როიტერისათვის" მიცემულ ინტერვიუში. მისივე თქმით, ამჟამად კონსულტაციები მიმდინარეობს და ამ კითხვაზე პასუხის გამე მხოლოდ მათი დასრულების შემდეგ იქნება შესაძლებელი.
""ჯერ ადრეა საუბარი იმაზე, ჩვენ ბლოკს შევქმნით თუ ეს ერთი პარტია იქნება. ამჟამად ჯანსაღ ოპოზიციურ ძალებთან კონსულტაციები მიმდინარეობს", _ განაცხადა ივანიშვილმა.
შეგახსნებთ, რომ ბიძინა ივანიშვილმა, რომლის ქონებაც 5,5 მილიარდ აშშ დოლარია, საქართველოს პოლიტიკურ ცხოვრებაში აქტიური მონაწილეობის მიღების სურვილი უკვე გამოთქვა. ივანიშვილი პოლიტიკური პარტიის ჩამოყალიბებას და საპარლამენტო არჩევნებში მონაწილეობის მიღებას გეგმავს. ბიძინა ივანიშვილი საქართველოს პრეზიდენტს მიხეილ სააკაშვილს გადადგომისკენ მოუწოდებს.
