აშშ-ს რუსეთის ვმო-ში გაწევრიანება, მიმდინარე წლის ბოლომდე, რეალურად მიაჩნია. ამის შესახებ, აშშ-ს სახელმწიფო მდივნის მოადგილე, ევროპისა და ევრაზიის საკითხებში, დანიელ რასელი აცხადებს. კითხვაზე მიიჩნევს თუ არა აშშ-ს ადმინისტრაცია შესაძლებლად მიდინარე წლის ბოლომდე რუსეთის ვმო-ში გაწევრიანებას, რასელმა დადებითი პასუხი გასცა.
„დიახ, ეს ჯერ კიდევ რეალურია და ჩვენს მიზნად რჩება"- განაცხადა დიპლომატმა. გავრცელებული ინფორმაციის მიხედვით, რასელს არ აღუნიშნავს, რომ რუსეთმა და საქართველომ დამოუკიდებლად უნდა დაარეგულირონ ის აზრTა სხვადასხვაობა, რომელიც ვმო-ში გაწევრიანების საკითხს უკავშირდება. „ჩვენი პოზიცია ნათელია: ჩვენ მხარს ვუჭერთ შვეიცარიის შუამოვლობის ძალისხმევას, რომელიც მიმართულია რათა რუსეთმა და საქართველომ იპოვონ ურთიერთმისაღები გადაწყვეტილებები", - განაცხადა რასელმა.
შეგახსენებთ, რომ 7-8 ოქტომბერს შვეიცარიაში გამართული კონსულტაციები რუსეთსა და საქართველოს შორის, უSედეგოდ დასრულდა. 11 ოქტომბერს კი ვლადიმერ პუტინმა კვლავ დაადასტურა რუსეთის სურვილი გახდეს ვმო-ს წევრი. „ჩვენ გვსურს გავწევრიანდეთ ვმო-ში. ჩვენ ამ ამოცანას და მიზანს ვისახავთ. მივიჩნევთ, რომ ის მთლიანობაში დადებიTად აისახება რუსეთის ეკონომიკაზე", - განაცხადა პუტინმა.
შეგახსენებთ, რომ რუსეთი ვმო-ში გაწევრიანებას წლებია ცდილობს. თუმცა ამისათვის მას ორგანიზაციის ყველა წევრის სახელმწიფოს თანხმობა სჭირდება. რუსეთმა ყველა ქვეყნის დათანხმება მოახერხა საქართველოს გარდა. საქართველოს რუსეთის ვმო-ში გაწევრიანების სანაცვლოდ საკუთარი მოთხოვნები აქვს, რომელსაც რუსეთი არ თანხმდება.
