საფრანგეთის პრეზიდენტი ნიკოლა სარკოზი აზერბაიჯანში იმყოფება. დახვედრის ოფიციალური ცერემონიალის დასრულების შემდეგ ნიკოლა სარკოზი აზერბაიჯანის პრეზიდენტს შეხვდა.
გავრცელებული ინფორმაციით, შეხვედრაზე მხარეებმა გამოხატეს კმაყოფილება ორმხრივი ურთიერთობების განვითარების საკითხებში პოლიტიკურ, ეკონომიკურ და სხვა სფეროებში. ამას გარდა, საუბარი ასევე შეეხო რეგიონალურ და საერთაშორისო საკითხებს.
საფრანგეთის პრეზიდენტი ასევე აზერბაიჯანის პირველ ლედის მეჰრიბან ალიევას შეხვდა.
სარკოზი აზერბაიჯანში სომხეთიდან ჩავიდა. აზერბაიჯანში ვიზიტის დასრულების შემდეგ ნიკოლა სარკოზი საქართველოში გაემგზავრება.