პარლამენტის თავმჯდომარის მოადგილე გიორგი წერეთელი ფლორიდის კონგრესის წარმომადგენლებს, დიმ პერის და დონ რაბოტომს შეხვდა. საუბარი შეეხო საქართველოში მიმდინარე პოლიტიკურ პროცესებს, დემოკრატიულ რეფორებს, საარჩევნო კანონმდებლობას, პარლამენტის საქმიანობას, უმრავლესობისა და ოპოზიციურ პარტიათა ურთიერთობებს.
სტუმრებმა წერეთელს გადასცეს ფლორიდის შტატის კონგრესის სპიკერის, დიმ კენონის წერილი, გამოთქვეს ურთიერთობების გაღრმავებისა და გააქტიურების სურვილი შტატის წარმომადგნელობით ორგანოსა და საქართველოს პარლამენტს შორის. მხარეებმა ისაუბრეს აშშ-საქართველოს მჭიდრო სტრატეგიული პარტნიორობის, პოლიტიკური თუ ეკონომიკური ურთიერთობების გაღრმავების, წარმომადგენლობითი ირგანოების თანამშრომლობის მნიშვნელობაზე.
წერეთელმა ამერიკელ კონგრესმენებს მადლობა გადაუხადა სტუმრობისთვის და აღნიშნა, რომ უახლოეს მომავალში დაიგეგმება საქართველოს პარლამენტის წარმომადგენლების ვიზიტი ფლორიდაში.