ჟენევის მოლაპარაკებების მე-17 რაუნდი უშედეგოდ დასრულდა. რუსულმა მხარემ ყველა იმ შეთავაზების განხილვაზე თქვა უარი, რომელიც ქართულმა მხარემ დააყენა. მათ შორის, ოკუპირებულ სამხრეთ ოსეთსა და აფხაზეთში საერთაშორისო სადამკვირვებლო მისიების აღდგენასა და დევნილების დაბრუნებაზე.
რუსეთმა უარი განაცხადა ძალის გამოუყენებლობის ვალდებულებაზეც. რუსული დელეგაციის ხელმძღვანელმა გრიგორი კარასინმა განაცხადა, რომ რუსეთი კავკასიაში მშვიდობის გარანტად რჩება და კარგი იქნება თუ ამ მისიას შეერთებული შტატები და ევროკავშირიც აიღებს. მისივე განცხადებით, რუსეთი თავს კოფლიქტში მხარედ არ სცნობს.
"მორიგი რაუნდი მორჩა წარუმატებლად. სამწუხაროა, რომ მოსკოვის პოზიცია ყველაზე მნიშვნელოვანსაკითხებზე ისევ რჩება უცვლელი. არაფერზე არ არიან წამსვლელები. მოსკოვის პოზიცია არის ხისტი და კიდევ უფრო მეტად, ვიდრე ეს იყო წინა რაუდნებზე", - განაცხადა საქართველოს საგარეო საქმეთა მინისტრის მოადგილემ სერგი კაპანაძემ.
ჟენევის მოლაპარაკებების ამ რაუნდზე ქართულმა მხარემ სამი ძირითადი საკითხი დააყენა. ოკუირებულ ტერიტორიებზე საერთაშორისო მექანიზმების არსებობის აუცილებლობა; უხელმძღვანელებს.რუსეთის მხრიდან ძალის არ გამოუყენებლობის ვალდებულების აღება და დევნილების დაბრუნება. ქართულ დელეგაციას უშიშროების საბჭოს მდივანი გიგა ბოკერია ხელმძღვანელობდა.
