საქართველოს ადვოკატთა ასოციაცია, ადვოკატთა კორპუსის ინსტიტუციონალური დევნის გამო, დღეს, 26 სექტემბერს, 17:00 საათზე უზენაესი სასამართლოს წინ აქციას გამართავს.
ფართომასშტაბიანი აქციების გამართვა 16 სექტემბერს ადვოკატთა უფლებების დაცვის კომისიის საგანგებო სხდომაზე გადაწყდა. შეხვედრაზე განიხილეს ადვოკატ ტარიელ მურმანიშვილის დაპატიმრებასთან დაკავშირებული საკითხები.
„ეს არის ადვოკატთა კორპუსის ინსტიტუციონალური დევნის უპრეცედენტო შემთხვევა, როდესაც ადვოკატ ტარიელ მურმანიშვილს სდევნიან თავისი პროფესიული მოვალეობის სრულყოფილად შესრულებისათვის, ანუ მოგებული საქმისათვის. ამავე სხდომაზე გადაწყდა დაიწყოს ფართომასშტაბიანი აქციები და გამოსვლები.
ადვოკატთა კორპუსის დევნა უპრეცედენტო მასშტაბებს იღებს, მიუხედავად საერთაშორისო ორგანიზაციების მხარდაჭერისა, გრძელდება ადვოკატთა ტერორი. ირღვევა, როგორცა დვოკატის, ასევე მისი დაცვისქვეშ მყოფი მოქალაქეების უფლებები",- ნათქვამია ასოციაციის მიერ გავრცელებულ განცხადებაში.
