ხუთი წლის განმავლობაში "ტორპედო ქუთაისს" ზესტაფონის "ზესტაფონის" ყოფილი მწვრთნელი გია გეგუჩაძე გაწვრთნის. სპორტის განვითარებისათვის განხორციელებულ პროექტები და "ტორპედო ქუთაისის" ახალი მწვრთნელი, "ვისოლი ჯგუფმა" დღეს ჟურნალისტებს ოფიციალურად გააცნო. როგორც შეხვედრაზე ითქვა, კომპანია ამ ეტაპზე რამდენიმე სპორტულ ინფრასტრუქტურას და პროექტებს ანვითარებს: საფეხბურთო კლუბი "ტორპედო ქუთაისი", ბავშვთა საფეხბურთო სკოლა "ავაზა", ოთხი სპორტული კომპლექსი თბილისში, ფიტნეს ცენტრი "ლაგუნა ქუთაისი", "ტორპედო ქუთაისის" საწვრთნელი ბაზა და ბავშვთა საფეხბურთო აკადემია.
"ვისოლი ჯგუფის" მენეჯმენტის განმარტებით, "ვისოლი" ერთადერეთი კომპანიაა რომელმაც სპორტის განვითარებისათვის 25 მილიონამდე ლარის ინვესტიცია განახორციელა. მხოლოდ „ტორპედო ქუთაისის" გუნდისა და ინფრასტრუქტურის განვითარებისათვის "ვისოლმა" 10 მილიონამდე ლარი გაიღო და პირველი ოქტომბრიდან ლეგენდარული კლუბის წარმატება საქართველოში ნომერ პირველ მწვრთვნელს - გია გეგუჩაძეს მიანდო.
გია გეგუჩაძის განმარტებით, კლუბში ცვლილებები იქნება, თუმცა საბოლოო გადაწყვეტილებების შესახებ განცხადებები, ოდნავ მოგვიანებით, სიტუაციის ადგილზე გაცნობის შემდეგ გახდება ცნობილი.
უეფას სამწვრთნელო PRO-ლიცენზიისა და 22 წლიანი სამწვრთნელო გამოცდილების მქონე გია გეგუჩიძე 5 წლის განმავლობაში უხელმძღვანელებს არა მხოლოდ "ტორპედო ქუთაისს", არამედ კლუბის ყველა ასაკობრივი ჯგუფის საწვრთნელო პროცესს. "ვისოლი ჯგუფმა" "ტორპედო ქუთაისზე" მზრუნველობა 2010 წლიდან ითავა.
"ქართული სპორტის მხარდაჭერა "ვისოლის" სოციალური პასუხისმგებლობის სტრატეგიის ერთ-ერეთი ძირითადი პრიორიტეტია. ინვესტიცია, რომელიც ქართული სპორტის განვითარებისთვის გავიღეთ ამ ეტაპზე სოციალური ინვესტიციაა, თუმცა ჩვენ გვჯერა, რომ ძალისხმევა, რომელიც მომავალი თაობის ჯანსაღი მომავლისა და ეროვნული სპორტული სულისკვეთების ამაღლებისთვის გავიღეთ, სასურველ შედეგს მოიტანს", - განაცხადა "ვისოლი ჯგუფის" დამფუძნებელმა ლევან ფხაკაძემ.
ევროპული სტანდარტების შესაბამისი ოთხი სპორტული კომპლექსი, რომელიც "ვისოლმა" თბილისში ააგო, დიღმის მასივში, სოფელ დიღომსა და დიდ დიღომში მდებარეობს. კომპლექსების ტერიტორია სამ რაგბის და ოთხ ფეხბურთის მოედანს, 200 მეტრიან ღია ველოტრეკს, ჭიდაობის სხვადასხვა სახეობებისა და ძიუდოს დარბაზებს, მინი ფეხბურთის სტადიონსა და კალათბურთისა და ფრენბურთის დახურულ დარბაზებს მოიცავს. "ვისოლის" სპორტული კომპლექსები თბილისში ყოველდღიურად 3000-მდე ბავშვის ჯანმრთელ მომავალზე ზრუნავენ. "ვისოლი" რეგიონალური მასშტაბებითაც ავითარებს სპორტულ ინფრასტრუქტურას, 2500 კვადრატულ მეტრზე განთავსებული ფიტნეს ცენტრ "ლაგუნა ქუთაისის" საცურაო აუზები პროფესიონალი თუ მოყვარული მოცურავეებისა და ბავშვებისთვის, ფიტნეს დარბაზები, საუნა, სოლარიუმი და მასაჟის კაბინეტი პროფესიონალი ინსტრუქტორებით იდეალურ გარემოს ქმნის "როცა ჯანსაღ ცხოვრებას ირჩევ". "ტორპედო ქუთაისის" ცენტრალური სტადიონი და საწვრთნელი ბაზა კლუბს ვარჯიშებისთვის იდეალურ პირობებს უქმნის. ბავშვთა საფეხბურთო აკადემია კი, რომელიც ქუთაისში იქნება ქართული ფეხბურთის წარმატებული მომავლის შექმნაში მნიშვნელოვან წვლილს შეიტანს.